-------------Glunto

-------------Ambaŭ

-----------Magistro

-------------Glunto

-------------Ambaŭ

Sur la ciela blu'
- blua angel-okulo
glitas nubetoj plu:
blanka ŝafida-flu'.

Alte tra la arbar'
ĝeme la pinoj spiras.
Klinas sin par' ĉe par'
blanka galanto-mar'

Ho, subiranta Sun',
iom hezitu nun!
Sen via brila bel'
orfas ni en malhel'.

Vidu, ĉu ne sur musk'
elfoj festene dancas?
Turdoj el la arbust'
taktas el plena brust'.

Turdo, silentu jam!
Lasu al Sun' parolon.
El la fadanta varm'
fluas rideto-flam'.

Ho, subiranta Sun',
iom hezitu nun.
Sen via brila bel'
orfas ni en malhel'