Ho, nur esti kokino,
netrovebla sur ter'.
Kaŝi sin for en ĝardeno,
beki al ruĝ-haŭta ber'.

Ho, nur esti tolhundo,
kisi al knaba okul',
loĝi en lia brakumo
sate en lita angul'.

Ho, nur esti pomego,
ŝveli en peza prosper',
suĉi avide la branĉon,
cedi en tarda somer'.

Ho, nur esti pomego,
ŝveli en peza prosper',
suĉi avide la branĉon,
cedi en tarda somer'.

Notoj:
Frank Jæger (1926-1977), bibliotekisto. Aperigis multe da poemkolektoj, eseoj kaj noveloj, ofte kun gajaj inspiroj, foje iom idiliaj. Jæger havas malferman intelekton kun fronto kontraŭ bridoj kaj prudo, en ribelo kontraŭ troa evidenteco. Lia formo ofte surprizas per sia originaleco, ekz. Liaj "ĉiutagaj historioj" estas provo refandi la klasikan fabelon en modernan humoreman stilon.

(Informoj ĉefe kaj teksto el la libro Sen Paraŝuto de Poul Thorsen).

La danan tekston ni trovos en "La Reto", klaku: "Være-Digtet".

Melodion faris: Tony Vejslev.