De foraj landoj venis reĝin' Dagmar.
Tutjuna, bela kun graci'
traktis ŝi per kor-mild'
kampulon kaj nobelon
kaj bubon kun reĝa ŝild'.

De foraj landoj venis reĝin' Dagnar.
Per silko-veloj alte sub
jardoj kun brila or'
la vento mole portis
Danlanden la ŝipon for.

De foraj landoj venis reĝin' Dagmar.
Renkontis ŝin la reĝo mem
ĉe sia regna rand',
kaj la kampuloj svingis
ĉapelojn sur sia strand'.

Notoj:
Henrik Hertz (1797-1870), de portugal-hebreadeveno, studis juron, sed baldaŭ ekverkis teatraĵojn. Pli ol 50 estas prezentitaj. Konata estas lia lirika dramo "Jolanto, la filinino de reĝo René", i.a tradukita en Esperanto (1989). Multaj el la poemoj de Hertz estas melankoliaj, foje satiraj, sed ĉiam tre artismaj.

Henrik Rung komponis melodion al la poemo.

Reĝino Dagmar, filino de reĝo Ottokar I de Bohemia (Bøhmen) kaj reĝino Edel de Meissen. Dagmar venis al Danlando en 1205 kaj fariĝis edzino kaj ŝatata reĝino de la dana reĝo Valdemar Sejr. Ŝi mortis en 1212.